- 項目設計同實行方式的創新性
- 如果市場上無人做過，就會拎到更高分喔！
Zero to Hero Fund
2021至2023年度Zero to Hero Fund嘅申請已經結束啦，多謝大家踴躍提交申請！嚟緊我哋將會喺今年3月同聖雅各福群會合作，推出一個裝備年輕人未來工作技巧嘅項目，想知更多詳情？繼續留意我哋啦！
咩係Zero to Hero Fund 呀？
身為社會營利組織（Social Profit Organisation）嘅你，如果有條超有創意、前無古人嘅橋可以幫到好多好多青少年但又唔夠資源，Zero to Hero Fund就完全啱晒你！我哋會同你拍住上，提供資金開展為期兩年嘅社會項目，希望用破格創新（最好係無人試過啦）嘅方法去幫助青少年提升工作技能、抗逆能力同科技才能。當然，項目效益可以擴散得愈遠愈好啦，咩形式唔緊要，最緊要係可以大規模為青少年帶嚟深遠同正面影響就得，可以感染到愈多青少年、甚至成個社會就更好啦，同我哋一齊由零開始成為影響社會嘅英雄！
Zero to Hero Fund將會每兩年開放一次申請，每次揀選一個項目提供資助，每個項目嘅資助上限係港幣200萬元。
點先申請得？
只要係社會營利組織（即旨在創造社會效益及價值嘅機構，包括但不限於非牟利機構、慈善團體或社會企業），就可以嚟申請啦！溫馨提示，記得要以機構名義申請呀，因為我哋唔接受個人名義申請嘅。
項目服務咩人先？
年齡介乎6 – 29歲嘅青少年（須持有有效香港身份證）
項目有咩要求？
- 一定要用創新、突破常規的方式實行，有咁爆得咁爆，來震懾我哋吧！；
- 一定要提昇青少年以下至少其中一個技能：1)工作技能 及/或 2)抗逆能力 及/或3)科技才能；
- 一定要創造大規模及正面的社會回報 / 價值（要有KPI同有系統的評估方法量度成效）；
- 一定要有全盤的宣傳及推廣策略（都係要有KPI，將項目推到越多人知越好！）；
- 一定唔接受純捐款、籌款或任何牟利項目；
- 一定要保持政治及宗教中立；
- 如果項目從來無接受過其他基金資助，可獲優先考慮喔！
申請機構要做啲咩？
1
項目管理
- 策劃及執行整個項目
- 用到自家優勢，可以連繫其他網絡同資源，去提升青少年嘅指定技能
- 有一套成效評估方法，收集同量度項目對青少年帶嚟嘅效益
- 定期同我哋溝通，咁有需要時就可以調整到計劃
- 每半年遞交項目進度報告，完成後都要交返份完成報告
2
項目推廣
- 搵合資格的青少年參與計劃
- 設計同實行全盤的宣傳策略（由招募青少年、項目推行花絮，以至將項目成效話畀更多人知）
- 用有效同創新嘅諗法同渠道宣傳項目
- 用項目成效去影響更多青少年，加深大眾對青少年議題的關注
點樣評分？
項目創新性
項目社會成效
- 項目規模，以及對青少年和社區嘅潛在影響力
- 設有KPI，同埋有系統嘅評估方法嚟量度成效及社會效益
- 可持續發展力及吸引其他資金支持的可能性
項目宣傳策略
- 宣傳同推廣計劃及全面性
- 宣傳策略嘅創新性、市場敏感度及可達度
- 設有宣傳成效KPI，話到畀人聽個項目嘅成效
機構執行力
- 青少年項目管理及推廣經驗
- 機構嘅網絡資源、動員力、人力資源分配，同埋預期產生嘅協同效應
- 對項目嘅承擔、問責及執行能力
- 機構的創新文化及靈活變通能力
備註：如果項目用到香港寬頻嘅企業專長（例如人才或者公司業務），可以擦出新火花，又可以加分呢！
幾時要開始？
2021年9月20日起，為期兩年
有幾多Budget？
- 總預算上限為港幣200萬元！（每年開支上限為港幣100萬元）
但要留意返：
- 項目要設定每年嘅KPI，第二年繼唔繼續就要視乎第一年做成點啦
- 所有開支實報實銷，包括活動物資、宣傳、計算計劃成效、行政費等
- 機構如果買咗非消耗性物品，就要喺項目完成後交返畀我哋，想繼續使用嘅話，可以預先同我哋講返個用途，有得傾嘅！
基金嘅角色係咩？
獲選機構將會成為基金項目嘅「合辦機構」*，同我哋齊齊拍住上，將項目由零變成無極限！除咗提供金錢資助外，我哋會喺適當時候提供意見或者搵合適資源去幫助推行項目。
* 合辦機構與基金之共同創作， 版權將由合辦機構與基金共同擁有，基金有權通過任何媒體出版、展覽、編印及分發作品，並用以製作宣傳品作推廣及宣傳。
查詢
如果有咩問題，可以隨時電郵同我哋聯絡 : info@csifund.org