背景，使命及願景
背景
香港寬頻人才CSI基金（「CSI基金」）為獨立於香港寬頻運作的慈善機構，致力以創新破格的思維支持與青少年相關的社會投資項目，期望透過創造長遠效益，緩解社會問題及滿足社區需求。CSI基金由香港寬頻持股管理人於2015年捐出500萬港元成立。CSI基金於2020年再獲香港寬頻持股管理人捐贈400 萬股香港寬頻股份（包括一年兩次的股息收益），為CSI基金帶來永久善款來源，藉此可持續地推動社區項目。CSI基金至今已開展了逾50個項目，受惠人數超過8,300人。
CSI基金是根據《稅務條例》第 88 條獲豁免繳稅的慈善機構，其董事會由香港寬頻人才及社會賢達組成。
願景
人做你又做，未必好，
讓年青人有勇氣同能力「各走各路」，
踏上專屬自己嘅旅途！
使命
幫人都要大膽創新，
所以我哋選擇以不平凡方式與年青嘅你，抑或有志幫助年青人嘅你同行！
不甘夢想流於空想，想憑創意將前路點亮，
為自己／隊友／下一代打一場硬仗？
只要你夠膽嘗試踏出第一步，
我哋就願意陪你開闢一條專屬自己嘅新出路！
無論你想搞邊科，我哋都會盡力提供援助。
當中包括：
● 所需金錢資助
● 第三者意見任你攞
● 邀請有相關經驗人士拔刀相助
……總之但凡幫到你手，我哋就願意出手～
最緊要你可以盡情發揮小宇宙！
目標
從三方面入手，幫年青人全面升呢！
一、工作技能
二、抗逆能力
三、科技才能
核心價值
● 人做你又做，社會唔會有進步！
● 你夠膽試，我就夠膽支持！
● 最緊要有創新精神，嚴禁人云亦云！
● 諗法可以勁到飛起，但唔可以離地！
● 唔好慣性Say No，就算唔識唔知都試吓去做！
● 謝絕原地踏步，前面有路就儘量行多幾步！